O grupo cultural Nós, a xente do Redor presenta o martes 16 de xaneiro as 20:30h a portada do próximo número da revista Nós a Xente do Redor, na cafetería Ceres 1894, situada na praza Saco e Arce de Ourense.
Xurdida en tempos de pandemia, esta revista cultural , instaurouse xa como un referente da cultura ourensá, e galega, contando en cada número cun maior número de autores, artistas de tódolos ámbitos que aportan o seu gran de area para impulsar de novo o grande acervo cultural ourensán e galego, traspasando incluso as fronteiras coa colaboración de autores doutras comunidades e países.
Aínda que o número 13 é moitas veces repudiado, tamén significa rexurdimento, e este grupo cultural busca sobre todo esa recuperación do valor artístico de Galicia, tan desmeritado nos últimos tempos.
O grupo Nós, a Xente do Redor convida a calquera cidadán a participar do descubrimento da portada e o artista encargado da mesma, como adianto deste novo número, que promete calidade literaria e artística. Os asistentes á presentación terán unha lámina de agasallo de Enmanuel Castells Carrión, fotógrafo e escritor cubano colaborador da revista e do movemento.
Yolanda Taboada de Nós, a Xente do Redor
